ლაშქრობა

ტური 1
ლაშქრობა ლოპოტას ტბის გარშემო გაშენებულ, განსაკუთრებული სილამაზის მთებში გაიმართება. ტყეში მიმავალი, გზად ორ ისტორიულ ღირშესანიშნაობას აღმოაჩენ - წმინდა გიორგის ეკლესიასა და სამების ეკლესიას. საკმაოდ მარტივი სირთულის ბილიკი იდეალურია დამწყები მოლაშქრეთათვის.

ტური 2
ტურის ფარგლებში, გეზს ვიღებთ გურგენიანის საინფორმაციო ცენტრიდან და ნინოსხევის მდინარის კალაპოტისკენ მივემართებით, სადაც გზად, ულამაზესი ჩანჩქერის პეიზჟებით დატკბები. საფეხმავლო ბილიკის უმაღლესი წერტილი 40 მეტრის სიმაღლის, ნინოსხევის ჩანჩქერია, რომელიც ერთ-ერთი ყველაზე სანახაობრივი და მომაჯადოებელი ადგილია მთელს საქართველოში. ლაშქრობა სავსეა სიურპრიზებით - ნუ გაგიკვირდება თუ გზად ირმებსა და ტახებს შენიშნავ.

ტური 3
ტური იწყება ჩვენს ტერიტორიაზე და დიდხევის მდინარის მიმართულებით გრძელდება. მთის ფერდობზე ასვლისას, გაოცდები ბუნებრივი პეიზაჟების სიმალაზით. ბილიკი ხშირ ტყეში გადის, სადაც ისტორიული ღირშესანიშნაობა, წმინდა მარიამის ეკლესია იმალება. სოფელი ფშაველიდან უკან რეზორტის ტერიტორიაზე ტრანსპორტით დავბრუნდებით.
ტური 4
სალაშქრო ბილიკი ჩვენს ტერიტორიას არ სცდება. ბილიკის გავლისას, როდესაც მთის მწვერვალს მიაღწევ, შენს თვალწინ ულამაზესი ალაზნის ველის ხედი გადაიშლება.
ტური 5
ტურის ფარგლებში, მდელოებსა და ტყეებში ლაშქრობისას, კახეთის ერთ-ერთ ყველაზე მნიშვნელოვან ღირშესანიშნაობას, ულამაზეს გრემის მონასტერს მიადგები. გრემის მონასტერთან შესვენების შემდეგ, ტრანსპორტი მოგვაკითხავს და ტერიტორიაზე დავბრუნდებით. ტური იდეალურია გამოცდილი მოლაშქრეებისთვის.
ტური 6
ტური ექსტრემალურ სპორტსა და ლაშქრობას აერთიანებს. ტურის დასაწყისში, ოცდაოთხკილომეტრიან გზას გავივლით კვადროციკლით, რომელიც ულამაზეს ხეობაში დასრულდება. ლაშქრობას კი მთებს შორის ჩაფლულ, მდინარეების გასწვრივ გამავალ ბილიკზე გავაგრძელებთ. ეს ნამდვილად დაუვიწყარი გამოცდილებაა!